السلام عليكم ورحمة الله وبركاته
مين فينا مش نفسه ياخد ثواب؟؟
دايماً تلاقي لما حد يعرف إنه لو عمل كذا هياخد ثواب
بيجري يعمله.......ولازم يعمله بنية صادقة..
ومحدش بيتكاسل عن الثواب ده..أصل حد طايل!؟
طيب الثواب هتاخده بإذن الله......والموضوع ينتهي ..وتدور على غيره
لكن
تعرف ان فيه ثواب...مش هينتهي؟؟؟
بنقول عليه (( صدقة جارية )) عارفين ازاي؟؟
ونعمل إيــــه علشان نكتسب ثواب دائم بإذن الله؟؟
هو ده اللي احنا عايزين نحققه في حملتنا
حملة لنشرالإسلام
تخيل لما تكون واحد من مجموعة نشرت الإسلام؟؟
نفسك أكــيد؟
طيب ازاي...... دي الفكرة
شباب ربنا يرزقهم الإخلاص والقبول .. وجزاهم الله الجنة
من الجامعة في القاهرة .. قرروا يعملوا مشروع لنشر الإسلام
وده عن طريق حاجة متوفرة عندنا في كل بيت
مفيش بيت مفيهوش اللي هم محتاجينه!!!
عارفين محتاجين منكم ايه لنشرالإسلام؟؟
مصـــاحــــــف
فيه أسهل من كده؟؟
كل بيت مسلم في مصحف و2 و 3 وأكترر
كل فرد بيبقى ليه مصحف ..طيب والزيادة؟؟
هنتحاسب عليهم خلوا بالكو.. ركنتهم دي حرام
ماهو ياتقرأ فيهم ...يتتصدق بيهم ويكونوا في موازين حسناتك
الشباب دول بأه فكروا إنهم يجمعوا المصاحف الزيادة اللي في كل بيت
ويبعتوها للناس اللي محتاجة في الأماكن اللي فيها مسلمين محتاجين للمصاحف دي
ذي كينيا والصومال والسودان....... الخ
ناس مسلمين محتاجين لنشرالإسلام عندهم
تخيل الثواب اللي هتاخده لو أخلصت النية لله تعالي؟
لما واحد هيحفظ من مصحفك..ويحفظ أولاده ..وغيره يقرأ وو..و..
الحرف بحسنة والحسنة بعشرأمثالها والله يضاعف لمن يشاء
وكل ده بإذن الله في موازين حسناتك
تفاصيل الحملة كـــاملة هتلاقوه على الشمال
اضغطوا على صورة الولد اللي بينقل المصحف على ورق
تخيلوا بيعانوا أد إيه؟؟؟ الصورة كفيلة بتوضيح معاناتهم وأد إيه هنساعدهم بعملنا ده...
اضغط عليه هيفتح لك الموضوع في منتدى حارة زعتر واللي شامل كل التفاصيل
الموضوع للأخت رضوى بعنوان آل زعتر وأخص المدونين
وفيه روابط المواضيع الأصلية اللي بتشرح الحملة والمشروع
أفراد الحملة.. الأخت أمنية والأخت رضوى والأخت رودي والأخت ليتني حياة وأنا ، من الأخوات
الأخ جانو والأخ أنصار السنة و والأخ الجمعاوي الأصلي والأخ سيف الله ...من الإخوة
الموضوع ومافيه إننا طالبين منكم تجميع المصاحف الزائدة اللي عندكم
وعند قاريبكم وجيرانكم .. وتسليمها لينا
واحنا بإذن الله نوصل الشحنة
طيب احنا هنجمعهم ازاى منكم ؟؟
احنا فريق من 8 اشخاص ...4 بنات و4 شباب
بنتين من الاسكندريه وبنتين من القاهره
.. وكذلك الشباب
لو مثلا حضرتك شاب من القاهره هتراسل احدى الاخوة اللى من القاهره
ولو بنت او من الاسكندريه نفس الوضع
عملنا 4 ايميلات خاصة بالحملة اتنين للقاهره واتنين للاسكندريه هنتواصل من خلالهم
البنات المدونات هتتواصل مع البنات المدونات ايضا اللى هقول عليهم دلوقتى ...
وعلى الايميلات الخاصه بالحمله
وكذلك نفس الوضع للشباب
الايميلات بالنسبه للمدونيين من الاسكندريه الشباب
هتراسلوا الاخ الجمعاوى الاصيل والأخ سيف الله على الايميل التالى
وبنات الاسكندريه
هيراسلوني أنا والاخت ليتنى حياة على الايميل التالى
اما بالنسبه لبنات القاهره هيراسلونى الأخت رضوى والاخت امنية على
el7amla_cairo_g@yahoo.com
el7amla_cairo_b@yahoo.com
ورجاء...بلاش ولد يضيف ايميل من الايميلات الخاصه بالبنات أو العكس
لأنها أمانة والموضوع بينكم وبين ربنا
ولاتنسوا تجديد النية
تقبل الله منا ومنكم
في انتظاركم
وجزاكم الله خيرا