(( مصر ))
!
بلدى يا مصر يا أم الدنيا
ولا اسيبك أبدا ولا ثانية
ده كفاية غلاوتك يا غالية
وكفاية إنى ... مصرية
***
مصر يا أرض الكنانة
بالحب والطيبة مليانة
ومراكب ترسى فـ مرسان
الكرمك وحنانك جية
***
النيل بيجرى فـ عروقنا
وسمار التربة فى بشرتنا
نفديكى حتى ولو متنا
كله علشانك يا أبية
***
خير الأجناد هما جندك
وكل الناس .. بتحبك
وبيجوا يريحوا فى ظلك
وخصوصا فـ اسكندرية
***
لعيونك آجى ولو طايرة
على بعدك أبدا ..مش قادرة
هفضل فيكى يامصر يا حرة
وفخورة بإنى مصرية
---
:)
.jpg){kind=avatar}
10 التعليقات:
ممكن تدينا نبذه عن مصر
:D
كلام جميل عن الوطن
وعن انتمائنا للوطن
لكن الواقع عكس ذلك
الوطن ده شىء معنوى من وجهه نظرى
بدليل انى لو اتولدت فى هولندا هبقى بحب هولندا مش بحب مصر!!
التغيير هو الحل
نبدأ بنفسنا
متفتكريش مش بحب مصر بس فعلا الواقع يجيب اكتئاب اصلا
وكلامك بقرأه وفى نفس الوقت صورة الواقع قدامى
حاجه تحزن
عايزين ابداعات تانى يا لوعلوعه
جميل
:)
والله يا أمنية أنا فاهماكي
وعايزة أعيش الواقع لكن انتمائي لها مش مخليني أعيش الواقع
ذي ماتقولي ..حاسة بولاء ليها
وقبل كده أنا قلت لك مثال لما اتناقشنا في الموضوع ده
إن لو عندك فازة غالية جدا ومن ساعة ماجبتيها وهي قادم عينيكي...مش بتفارقيها
وكنتي حاطة فيها أجمل زهور
وفجأة الزهور دبلت
ومش بأديكي تغيرها
هتكرهي الفازة؟
دي لسا جميلة!!؟
بس محتواها خلاص
دبل
باظ!!
هتعملي إيه؟
هيكون ليكي ولاء ليها
وهتبصي لها وإنتي مشفقة على اللي حصلها
لكن
لسا بتحبيها
أهي مصر ذي الفازة:D
دبل اللي جواها وبار
لكن لسا هي الاصل ذي ماكانت
لاااازم اغيرلك فكرة الاكتئاب اللي عندك دي من مصر
شكلك هتغيري جنسيتك لهولندية
:D
ساعتها ولا هعرفك
هههههه
إنتي أجمل يامنمن
تسلمييـ
تعليم..صحه..اخلاق...سياسة..دين..مواصلات.........
فى ايه التطور؟؟
كل حاجه بتنحدر
الوضع مأساوي
شخصيا مش متفائله
كنت كتبت بوست أٍسمه
معدوم معدوم يا ولدى
http://islamicgirl8.blogspot.com/2007/05/blog-post_29.html
ابقى شوفيه
:D
ربنا يعدل حال الفازة يارب
يارب
بتنوريني دايما ياموني
لو عايزة الغيلك البوست ده من عونيا
ده انتي من مؤسسي المدونة دي
:D
هههههههههههه
لا يا بنتى
اختلاف الرأى لا يمسح للمدونه بوستاً
بحبك فى الله يا لوعلوتى
ههههههههههه
وانا بحبك اكتررر في الله
وكما قلتي يا اختي
اختلاف الرأي لا يمسج للمدونة بوستا
ويحك
ماهذه الفصاحة
:D
إيه الانتماء الجامد ده
أنا مبسوط جدا عشان الحمد لله قبل ما أموت شفت ناس كتير بتحب بلدها
يارب دايما
بس امتى بقى اللى بيحبوا بلدهم يتكلموا
هو ده اللى ناقص ان هما يعملوه
لو عملوا كده يبقى 100 فل و14
إيه الانتماء الجامد ده
أنا مبسوط جدا عشان الحمد لله قبل ما أموت شفت ناس كتير بتحب بلدها
يارب دايما
---------
مش فاهمة كلام حضرتك بجد ولا تريقة
على العموم أنا فخورة بكوني كده
والحمد لله...
ويارب دايما
***
بس امتى بقى اللى بيحبوا بلدهم يتكلموا
هو ده اللى ناقص ان هما يعملوه
لو عملوا كده يبقى 100 فل و14
-----------
آهااا
يتكلموا بإيه بقى؟؟؟
بالعيوب والغلط واللي مش عاجبهم فيها
ولا عن حبهم وانتمائهم ليها؟
في الحالة الأولى
لازم... وأنا معاك في كده
وفي التانية
عادي
لالازم ولا ممنوع
ومتهيألي حضرتك تقصد الأول
:D
أسعدني مرورك
بارك الله فيك
ما شاء الله
ما أجمل أن نري أشخاص متفائلة في هذا الزمن و لن يأتي التغيير ما حيينا إلا و عندنا أمل يدفعنا نحو الأفضل
هذا الأمل لا يمنعني عن معرفة واقع بلدي
أي نعم الحال لا يسر عدو و لا حبيب
لكن مهما كان انا هفضل أحب البلد دي
كيف لي أن أغير الوضع الداخلي دون معرفة الواقع نضف غلي ذلك الدافع لتغيير هذا الواقع
و هو حقا ما وجدناه في اخر تدوينة لكم
حب وطني و بلدي
جزاكم الله خيرا
أخيرا وجدت مَن يؤيديني
:D
كلامك تمام والله يا أخي سيف
بارك الله فيك
..أشكرك لمرورك
وجزاكم أحسنه
إرسال تعليق